अनुसूचित जाती व नवबौद्ध घटकांच्या उन्नतीसाठी वैयक्तिक आणि बचत गटासाठी शासनाकडून विविध योजना चालू करण्यात आलेल्या असून, याअंतर्गत लाभार्थी व इच्छुक वर्गाला आवश्यक त्या साधनांचा 90 टक्के अनुदानावर वाटप केला जातो. या योजनांचा लाभ घेऊन हा घटक आपली आणि आपल्या कुटुंबाची उन्नती करू शकतो.
सामाजिक न्याय व विशेष सहाय्य विभागामार्फत अनुसूचित जाती व नवबौद्ध घटकातील बचत गटांना मिनी ट्रॅक्टर व त्यांची उपसाधने 90 टक्के अनुदानावर पुरवठा केली जातात. मग मित्रांनो, वाट कसली पाहताय ! जर तुम्ही संबंधित जिल्ह्यातील बचत गटधारक असाल, तर शासनाच्या या योजनेचा लाभ घेऊन तुमचा व्यवसाय वाढवू शकता.
Table of Contents
बचत गट ट्रॅक्टर अनुदान योजना (Bachat Gat Tractor Subsidy Scheme)
अनुसूचित जाती व नवबौद्ध घटकातील शेतकऱ्यांना 100 टक्के अनुदानावर पावर टिलर अनुदानावर देण्याची जुनी योजना बंद करून, त्याऐवजी अनुसूचित जाती व नवबौद्ध घटकातील स्वयंसहायता बचत (Bachat Gat tractor subsidy) गटांना 90 टक्के अनुदानावर 9 ते 18 अश्वशक्तीचा मिनी ट्रॅक्टर व त्याची उपसाधने जसे कल्टीवेटर, रोटावेटर, ट्रेलर यांचा पुरवठा करण्यासाठी ही नवीन योजना सुरू करण्यात आली.
कोणाला मिळणार लाभ ?
- अनुसूचित जाती व नवबौद्ध घटकातील स्वयंसहाय्यता बचत गटातील सदस्यांना.
- बचत गटातील सदस्य हे महाराष्ट्राचे रहिवासी असावेत.
- बचत गटातील अनुसूचित जाती व नवबौद्ध घटकातील एकूण सदस्यपैकी 80% सदस्य अनुसूचित जाती व नवबौद्ध घटकातील असावेत.
काय काय भेटणार ?
9 ते 18 अश्वशक्तीचा मिनी ट्रॅक्टर व सोबत ट्रॅक्टरसाठीची उपसाधने कल्टीवेटर, रोटावेटर, ट्रेलर इत्यादीसाठी 90 टक्के अनुदान दिल जाईल.
अनुदान किती व कसे असेल ?
मिनी ट्रॅक्टर व त्यांची उपसाधने खरेदी करण्यासाठी लाभार्थ्यांना 90 टक्के अनुदानाअंतर्गत 3.50 लाख रक्कम खरेदीसाठी दिली जाते. ज्यामध्ये 10% स्वाहिसासुध्दा समाविष्ट असेल. म्हणजेच शासनाच्या 90 टक्के अनुदानानुसार 3.15 लाख अनुदान व लाभार्थी स्वयंहिसा 35 हजार होय.
कागदपत्रं कोणती लागतील ?
- गट नोंदणी छायांकित प्रत
- बचत गटाच्या बँक पासबुकची छायांकित प्रत
- जातीचा दाखला
- आधारकार्ड
- रेशनकार्ड
- नोंदणीकृत प्रमाणपत्र
- सदस्यांचा पूर्ण फोटो
- 100 च्या स्टॅम्प पेपरवर हमीपत्र
सूचना : संबंधित योजना रायगड जिल्ह्यातील समाजकल्याण न्याय व विशेष विभागामार्फत सुरू झाली आहे. तुमच्या जिल्ह्यातील अर्ज प्रक्रियेसाठी इच्छुक लाभार्थ्यांनी संबंधित समाजकल्याण विभागाशी संपर्क साधावा.
📢 शेतमाल तारण कर्ज योजना : येथे पहा
📢 नरेगातून विहिरीसाठी ४ लाख अनुदान : येथे पहा
